ປະຕິຮູບ ແມ່ນທຸລະກິດຣີໄຊເຄີນພາດສະຕິກທີ່ໃຫ້ຄວາມສຳຄັນກັບລະບົບຫ່ວງໂສ້-ມູນຄ່າ ແຫ່ງທຳອິດຢູ່ ສປປ ລາວ ແລະ ເປັນທຸລະກິດໃນເຄື່ອ (ແຟນຊາຍ) ຂອງບໍລິສັດ ReForm Plastic ເຊິ່ງເປັນທຸລະກິດຣີໄຊເຄີນເພື່ອສັງຄົມ ທີ່ສ້າງຕັ້ງຂຶ້ນຢູ່ປະເທດຫວຽດນາມ. ບໍລິສັດ ReForm Plastic ໄດ້ແກ້ໄຂບັນຫາຂີ້ເຫຍື້ອພາດສະຕິກ ດ້ວຍວິທີການ ແບບໝູນວຽນ ແລະ ຮ່ວມກັບບັນດາຂະແໜງການ ຫຼື ຄົນເກັບຂີ້ເຫຍື້ອຕາມທ້ອງຖະໜົນ ເພື່ອຫັນປ່ຽນຂີ້ເຫຍື້ອພາດສະຕິກມູນຄ່າຕໍ່າ (ເກດຕ່ຳ) ເປັນຜະລິດຕະພັນທີ່ມີຄວາມທົນທານ, ຫຼາກຫຼາຍອະເນກປະສົງ ແລະ ມີຄຸນນະພາບຊັ້ນນຳ ໂດຍຜ່ານຂະບວນການຜະລິດທີ່ເປັນເອກະລັກ, ສ້າງແກ໊ດຄາບອນຕ່ຳ ແລະ ສົ່ງຜົນກະທົບເຊີງບວກຕໍ່ສັງຄົມ ໂດຍການເພີ່ມລາຍຮັບໃຫ້ແກ່ຄົນເກັບຂີ້ເຫຍື້ອຈຳນວນຫຼາຍ.

ຜະລິດຕະພັນ ຂອງປະຕິຮູບ ໃຫ້ຜົນປະໂຫຍດຕໍ່ສັງຄົມ ແລະ ສິ່ງແວດລ້ອມຢ່າງຫຼວງຫຼາຍ ພ້ອມທັງມີປະສິດທິພາບ ແລະ ໃຫ້ຄຸນນະພາບທີ່ດີກວ່າ. ແຜ່ນອັດພາດສະຕິກຂອງພວກເຮົາ ແມ່ນຜະລິດຈາກວັດຖຸດິບທີ່ມີມູນຄ່າຕໍ່າ ພາຍໃຕ້ອົງປະກອບຂອງວັດສະດຸຢ່າງພິທີພິຖັນ ພ້ອມດ້ວຍເຕັກໂນໂລຢີແປຮູບທີ່ທັນສະໄໝ ເພື່ອຜະລິດແຜ່ນອັດທີ່ມີຂໍ້ດີຫຼາຍປະການ ແລະ ດີກວ່າແຜ່ນອັດທົ່ວໄປ ຫຼື ໄມ້ແປ້ນອັດປະສົມອື່ນໆ. ເໝາະທີ່ສຸດສໍາລັບການໃຊ້ໃນວຽກງານການກໍ່ສ້າງ, ເຟີນີເຈີ ແລະ ອື່ນໆອີກ!